អំណោយដ៍ថ្លៃថ្លារបស់សម្តេច អគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានយកសំភារះមួយចំនួនមកប្រគេនដល់ព្រះសង្ឃដែលគង្គក្នុងវត្ត ដំបូកខ្ពស់

 ថ្ងៃព្រហស្បត៌១១កើត​ ខែ​ពិសាខ​ ឆ្នាំ​ឆ្លូវ​ ត្រី​ស័ក​ ព.ស.២៥៦៤​ ត្រូវ​នឹង​ថ្ងៃទី​ ២២ខែមេសា​ ឆ្នាំ​ ២០២១​

 អំណោយដ៍ថ្លៃថ្លារបស់សម្តេច អគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានយកសំភារះមួយចំនួនមកប្រគេនដល់ព្រះសង្ឃដែលគង្គក្នុងវត្ត ដំបូកខ្ពស់ មានដូចជាអង្ករ ទឹកសុទ្ធ មី ទឹកស៊ីអ៉ីវ ទឹកត្រី និងភេជ្ជះមួយចំនួន ដោយតាមរយៈ

លោកពេជ្រ កែវមុនី អភិបាលខណ្ឌមានជ័យ លោក ឌី រត្ន័ខេមរុណ អភិបាលរងខណ្ឌមានជ័យ និងលោក ទូច សំអុល ចៅសង្កាត់ស្ទឹងមានជ័យទី២ ព្រមទាំងចៅ សង្កាត់បឹងទំពុនទី២ លោក លុក ជ័យ 

 

នៅក្នុងនោះព្រះចៅអធិការវត្ត ដំបូកខ្ពស់ ព្រអង្គក៍មានសង្ឃដីការថា អាត្មាភាព មានសេចក្កីរីករាយសប្បាយចិត្តយ៉ាងខ្លំាង ដោយនៅថ្ងៃនេះ អាត្មាភាព៖

បានទទួលនូវសម្ភារៈឧបភោគបរិភោគមានដូចជាអង្ករ ទឹកសុទ្ធ មី .។ល។ ដែលជាអំណោយរបស់សម្តេច អគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា សម្រាប់ផ្គត់ផ្គង់ព្រះសង្ឃក្នុងស្ថានភាពនៃជំងឺកូវីដ-១៩ដែលកំពុងខ្វះខាតនេះ។

ព្រះសង្ឃគ្រប់អង្គ លោកតា លោកយាយ និងពុទ្ធបរិស័ទចំណុះជើងវត្តដំបូកខ្ពស់ទាំងអស់ សូមប្រសិទ្ធពរជ័យជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងបុត្រា បុត្រី និងចៅៗ មានសុខភាពល្អ ជន្មាយុយឺនយូរ និងសម្រេចជោគជ័យក្នុងបុព្វហេតុបម្រើជាតិមាតុភូមិ។

សូមជូនពរដល់អាជ្ញាធរគ្រប់លំដាប់ថ្នាក់ និងប្រជាពលរដ្ឋខ្មែរទូទៅទាំងអស់មានសុខភាពល្អ ប្រាសចាកទុក្ខ ប្រាសចាករោគ ប្រាសចាកភ័យ ជាពិសេស ឈ្នះមា សត្រូវនៅជំងឺកូវីដ-១៩ដ៏កាចសាហាវនេះ។ផាន់ណា