គួរឲ្យសង្វេគណាស់!ពិតជាទុក្ខជាន់លើទុក្ខមែន៖ ប្ដីកំពុងជាប់ឃុំ ប្រពន្ធស្លាប់នៅឯផ្ទះ ដោយប្ដីពុំបានមកឃើញមុខប្រពន្ធចុងក្រោយមិនបានផង

 

គួរឲ្យសង្វេគណាស់!ពិតជាទុក្ខជាន់លើទុក្ខមែន៖ ប្ដីកំពុងជាប់ឃុំ ប្រពន្ធស្លាប់នៅឯផ្ទះ ដោយប្ដីពុំបានមកឃើញមុខប្រពន្ធចុងក្រោយមិនបានផង!!!

(ខេត្តព្រៃវែង)៖ ពិតជារឿងចៃដន្យមែន ភរិយាអ្នកសារព័ត៌មានម្នាក់ បានគាំងបេះដូងស្លាប់នៅឯផ្ទះដោយសារបារម្មណ៍ពីប្តីជាប់ឃុំ។ ខណៈប្ដី ជាអ្នកសារព័ត៌មានកំពុងជាប់ឃុំនៅពន្ធនាគារខេត្តព្រះវិហារ ដោយពុំបានមកធ្វើបុណ្យ និងស្មារលា មើលមុខប្រពន្ធជាលើកចុងក្រោយ។

សេចក្ដីរាយការណ៍បានឱ្យដឹងថា៖ ស្ដ្រីដែលស្លាប់ឈ្មោះ ឃុន ឡុង នៅភូមិព្រៃខ្លា ឃុំរាប ស្រុកពារាំង ខេត្តព្រៃវែង បានគាំងបេះដូងស្លាប់ នៅព្រឹកថ្ងៃទី១៤ ខែមិថុនា ឆ្នាំ២០២១។

សពឈ្មោះ ឃុន ឡុង ត្រូវជាភរិយារបស់លោក ជា សាម៉ុន អ្នកសារព័ត៌មានMPN ដែលកំពុងជាប់ឃុំខ្លួន ក្នុងពន្ធនាគារ ខេត្តព្រះវិហារ ពីបទ«កំហែងយក»តាមបណ្តឹងផ្ទាល់មាត់របស់ ថៅកែដេប៉ូឈើ។

ក្នុងនោះដែរ សមាគមសេរីភាពអ្នកសារព័ត៌មានកម្ពុជា បានផ្ញើសារចូលរួមរំលែកទុក្ខ ជាមួយក្រុមគ្រួសារលោក ជា សាម៉ុន ។

ក្រោយភរិយារបស់លោក បានទទួលមរណភាព ដោយសារគាំងបេះដូង កាលពីព្រឹកទី១៤.០៦.២០២១នៅភូមិព្រៃខ្លា ឃុំរាប ស្រុកពារាំង ខេត្តព្រៃវែង។

សូមជម្រាបថា៖ លោក ជា សាម៉ុន អ្នកសារព័ត៌មានMPN រួមនិងអ្នកសារព័ត៌មាន៧នាក់ទៀត។

ត្រូវបានសមត្ថកិច្ចខេត្តព្រះវិហារ ចាប់ខ្លួនពីបទ៖ កំហែងយក កាលពីថ្ងៃទី០៤.០៦.២០២១ បច្ចុប្បន្នក្រុមអ្នកសារព័ត៌មានទាំង៨នាក់ កំពុងជាប់ឃុំនៅឡើយ។

ពោលគឺការចាប់ខ្លួនពួកគាត់ ធ្វើឡើងតាមបណ្ដឹងថៅកែឈើ ដោយថៅកែឈើ បានប្ដឹងចោទប្រកាន់ថា៖ អ្នកសារព័ត៌មានទាំង០៨នាក់ បានជំរិតទារប្រាក់ពីខ្លួនក្នុងម្នាក់ៗ១០០$ ០៨នាក់ស្មើ៨០០$៕ផាន់ណា