បុកគ្នាបន្តបន្ទាប់បណ្តាលអោយរថយន្តមួយគ្រឿងក្រឡាប់ធ្លាក់ប្រឡាយនឹងម៉ូតូ៤គ្រឿងរងការខូចខាតនៅផ្លូវក្រវាត់ក្រុងក្នុងខណ្ឌដង្កោ

 បុកគ្នាបន្តបន្ទាប់បណ្តាលអោយរថយន្តមួយគ្រឿងក្រឡាប់ធ្លាក់ប្រឡាយនឹងម៉ូតូ៤គ្រឿងរងការខូចខាតនៅផ្លូវក្រវាត់ក្រុងក្នុងខណ្ឌដង្កោ

ភ្នំពេញៈ​ មួយព្រឹកមានករណីគ្រោះថ្នាក់ចរាចរណ៍បីករណីនៅទីតាំងតែមួយតាមបណ្តោយផ្លូវក្រវ៉ាត់ក្រុង(ផ្លូវ៥០ម៉ែត្រ)​ ភូមិអន្លង់គងចាស់​ សង្កាត់ព្រៃស​ ខណ្ឌដង្កោ​ រាជធានីភ្នំពេញ​ បណ្តាលអោយមានមនុស្សរងរបួសធ្ងន់ស្រាល​ហេីយខូចខាតរថយន្តមួយគ្រឿង​,​ ម៉ូតូបួនគ្រឿងថែមទៀត​ ។​ករណីនេះកេីតឡេីងនៅវេលាម៉ោង៦​ នឹង៣០នាទីព្រឹកថ្ងៃទី​ ៨​ ខែ​កក្កដា​ ឆ្នាំ​ ២០២១​ ។ 

តាមប្រភពព័ត៌មានពីកន្លែងកេីតហេតុបានអោយដឹងថា​ ដំបូងគេឃេីញម៉ូតូពីរគ្រឿងបុកគ្នា​នៅលេីកផ្លូវក្រវ៉ាត់ក្រុង​ស្របពេលនោះមានរថយន្តដឹកទឹកសុទ្ធមួយគ្រឿងបេីកបរក្នុងល្បឿនលឿនទិសដៅពីត្បូងទៅជេីង​ លុះមកដល់ចំណុចកេីតហេតុជាន់ហ្វ្រាំងមិនទាន់ក៏ទាញ់ចង្កូចគេចមកខាងស្តាំដៃបណ្តាលអោយក្រឡាប់ធ្លាក់ប្រឡាយតែម្តងទៅ​ ខណៈនោះដែលមានម៉ូតូចំនួន២គ្រឿងទៀតកំពុងបេីកបរបញ្ច្រាសទិសគ្នារវល់តែមេីលករណីរថយន្តក្រឡាប់ក៏បានបុកគ្នាពេញទំហឹងបណ្តាលអោយមនុស្សពីរនាក់រងរបួសធ្ងន់ស្រាល​ នឹងម៉ូតូរង់ការខូចខាត​ ។ 

ក្រោយកេីតហេតុសមត្ថកិច្ចមូលដ្ឋានសហការជាមួយនគរបាលចរាចរខណ្ឌដង្កោចុះវាស់វែងនឹងសម្រប​សម្រួលដោះស្រាយរវាងភាគីម៉ូតូទាំងសងខាងចប់នៅកន្លែងកេីតហេតុ​ ចំណែករថយន្តដឹកទឹកសុទ្ធដែលក្រឡាប់​ ដោយសង្កេតឃេីញថាមិនបានប៉ះពាល់ដល់សម្បត្តិរដ្ឋនឹងឯកជន​សមត្ថកិច្ចសម្រេចប្រគល់អោយក្រុមហ៊ុនមកស្ទុចយកទៅជួសជុលដោយខ្លួនឯង​ ៕